تعارف جامعۃ الزہراء

علم دین حاصل کرنا جس طرح مسلمان مردوں پر فرض ہے اسی طرح اسلام کی مقدس ماں اور بہنوں کے لیے بھی فرض ہے بچوں کی تعلیم کے لیے مدارس اسلامیہ کا قیام تو زمانہ قدیم سے چلتا آ رہا ہے مگر بچیوں کو زیور علم سے آراستہ  و پیراستہ کرنے کا انتظام ابھی چند سالوں سے ہوا ہے جو ابھی خاص خاص مقامات پر ہے جس سے خاص اس علاقے کی بچیوں کے لیے ضرور آسانی ہو گئی مگر دور دراز کی بچیوں کے لیے لمبا سفر طے کر کے گھروں سے کافی دور جا کر علم جیسی لازوال نعمت کو حاصل کرنا اب بھی ایک مسئلہ بنا ہوا ہے  بستی شہر سے متصل ایک ایسے ادارہ کی سخت ضرورت تھی جو اسلام کی شہزادیوں کو قرآن، حدیث، فقہ و افتا عقیدہ و تصوف اور ملک ہندوستان کے حالات کے مطابق انگلش ،ہندی ،سائنس اور دگر علوم و فنون سے آراستہ کرنے کے ساتھ ان کی صحیح اسلامی تربیت کر سکے، انھیں اچھے اخلاق کا حامل،عالمہ،قاریہ ،فاضلہ، مفتیہ ،عابدہ،زاہدہ اور مبلغہ  بنا سکے۔ اس ضرورت کو اراکین جامعہ الزہراء نے شدت سے محسوس کیا اور بستی شہرسے 25؍ کلو میٹر دوری پر خاتون جنت شہزادی رسول اللہ ﷺ کے نام نامی سے موسوم ”جامعۃ الزہراء“ کی داغ بیل ڈال دی جو الحمد للہ اب اسلام کی مقدس بیٹیوں کے لیے معتبر دینی تعلیمی ادارہ ہے اس ادارے کی ایک خصوصیت یہ بھی ہے کہ اس  کا نصاب تعلیم ہندوستان کا معتبر ادارہ جامعہ اشرفیہ مبارک پور اعظم گڑھ کے ناظم تعلیمات خیرالازکیاء علامہ محمد احمد مصباحی  دامت برکاتہم العالیہ  کی نگرانی میں نے تیار کیا  گیا جس کو ماہر و باصلاحیت معلمین و معلمات کے ذریعہ تعلیم دی جاتی ہے  نظام امتحان بھی اساتذۂ اشرفیہ کی نگرانی میں ہوتا ہے یہ ادارہ تقریباً ۱۸ ؍سال سے اسلام کی مقدس شہزادیوں کو نور علم سے مزین کر رہا ہے اس کے مختلف شعبہ جات ہیں جیسے شعبہ پرائمری درجہ اول تا پنجم   شعبہ قراءت شعبہ درس نظامی اعدادیہ تا فضیلت شعبہ تخصص (دو سال) شعبہ سلائی بنائی،کشیدہ کاری ،شعبہ کمپیوٹر اس کے علاوہ بھی کئی ایک شعبوں کی جلد ہی تکمیل ہوگی دینی تعلیم کے ساتھ ساتھ دنیاوی تعلیم سے بھی آراستہ کرنے کے لیے بچیوں کو انگلش ہندی سائنس اور دیگر ضروری فنون پر توجہ دی جاتی ہے اس ادارہ کا خاص  مقصداسلام کی  مقدس ماں اور بہنوں کے مابین دینی تعلیم کا فروغ ہے  ۔یہاں سے تقریباً ۵۰۰ ؍ سے زائد فارغات ہیں جو خاتون جنت حضرت فاطمۃ الزہراء رضی اللہ عنہ کی نسبت سے ’’فاطمی ‘‘ لقب سے ملقب ہوکر ہندوستان کے مختلف صوبوں میں تدریسی، تنظیمی، دعوتی خدمات انجام دے رہی ہیں۔  یہ ادارہ اپنے یوم تاسیس سے لے کر آج تک اللہ کے فضل اور سلسلہ قادریہ، برکاتیہ،رضویہ، اشرفیہ نقشبندیہ، چشتیہ کے مشائخ کی برکت سے علم و ہدایت کے میدان میں کا رہائے نمایاں انجام دے رہا ہے۔یوں تویہ ادارہ ’’جامعۃ الزہراء ‘‘ کے نام سے پورے پوروانچل میں مشہور و معروف ہے اس ادارہ میں تعلیم وتربیت پر خصوصی توجہ رہتی ہے۔ (از قلم: محمد فیصل نوری مصباحی، استاذ جامعۃ الزہراء)