تعلیم نسواں بڑی اہمیت کا حامل ہے، جس کے پیش نظر اہل سنت و جماعت کی بچیوں کی تعلیم و تربیت کے لیے ہمدرد قوم ملت حضرت علامہ مولانا مسعود احمد برکاتی خلیفہ امین ملت و خلیفہ جانشین حافظ ملت نے شہر بستی (یوپی) سے تقریباً 25 کلومیٹر کی دوری پر ایک ادارہ خاتون جنت حضرت فاطمہ الزہراء رضی اللہ تعالیٰ عنہا سے منسوب بنام" جامعۃ الزہرا " کی بنیاد رکھی ۔جہاں دختران اسلام کو ماہر و باصلاحیت معلمین ومعلمات کے ذریعہ آراستہ و پیراستہ کیا جاتا ہے ،جہاں تعلیم وتربیت کے حسین سنگم ہیں،اعلی انتظامات کے ساتھ ساتھ اعلی تعلیم بھی ہے۔ اللہ کا شکر و احسان ہے کہ میں اسی ادارے میں روز تاسیس سے لے کر تعلیم کے اخروی ایام تک ماہر و جفا کش معلم و معلمات کے زیر نگرانی تعلیم مصطفی صلی اللہ علیہ وسلم کی حصول یابی میں لگی رہی اور الحمدللہ اس مرکز علم فن سے علم کی روشنی لیکر فارغ ہوئی اور تقریباً ہزاروں بچیاں نور علم سے مزین ہو کر فارغ ہو چکی ہیں، اور ملک کے مختلف صوبوں میں دینی خدمات انجام دے رہی ہیں ۔ لہذا تمام ہمدردان اہل سنت سے میں تعاون کا عریضہ پیش کرتی ہوں،نیز اپنی بچیوں کا داخلہ اس مرکز علم و فن میں کروا کے تعلیم مصطفی صلی اللہ علیہ وسلم سے آراستہ کریں اورعنداللہ ڈھیروں ثواب کے حق دار بنیں ۔ اللہ تعالیٰ مجدہ الکریم کی بارگاہ میں دعا ہے جامعہ کو روز افزوں ترقی عطا فرمائے اور تمام اراکین و اساتذہ کو دارین کی سعادتوں سے بہرہ ور فرمائے آمین

جامعۃ الزہرا کا آغاز
نحمدہ و نصلی و نسلم علی رسولہ سید الانبیاء والمرسلین ! *ہمارے علاقے میں دور دراز تک بچیوں کی تعلیم و تربیت کے لیے کسی مذہبی ادارے کا انتظام‌ نہیں تھا ، سب سے پہلے حضرت علامہ مسعود احمد برکاتی صاحب قبلہ استاذ الجامعۃ الاشرفیہ مبارک پور کو اس کی فکر لاحق ہوئی ، آپ نے علماۓ اہل سنت و جماعت اور اپنے مخلصین کے مشورے سے ٢٠٠٥ ء میں سسوا بازار سنت کبیر نگر یو۔پی میں بچیوں کی تعلیم و تربیت کے لیے تعلیم کا آغاز ایک کرایے کے مکان میں فرمایا ، ٢٠٠٦ ء میں وسیع عریض زمین خرید کر اس پر بنام جامعۃالزہرا ایک مستقل عمارت کا سنگ بنیاد رکھا گیا، رفتہ رفتہ ادارے کو ترقی ملتی گئی ، حتیٰ کہ ابھی تقریباً ٦٠٠ بچیاں جامعہ میں جوہر علم و فن سے آراستہ ہو رہی ہیں اور کثیر تعداد میں قابل و باصلاحیت اساتذۂ کرام تعلیمی خدمات انجام‌ دے رہے ہیں* لہذا محبین اہل سنت و جماعت سے بقدر وسعت جامعہ میں تعاون کرنے کی درخواست ہے۔۔۔ دعا گو ہوں کہ اللہ رب العزت جامعہ کو مزید ترقیوں سے ہم کنار فرماۓ اور معاونین و اراکین جامعہ پر اپنی رحمتوں کا نزول فرماۓ۔۔۔ آمین بجاہ سید المرسلین ﷺ

باسمه تعالى
اتر پردیش کے ایک چھوٹے سے گاؤں سسوا بازار ضلع سنت کبیر نگر میں بچیوں کے تعلیم و تربیت کے لیے کسی دینی ادارے کا انتظام نہیں تھا حضرت علامہ مسعود احمد برکاتی صاحب قبلہ نے العلم فريضة على كل مسلم کے پیش نظر علماے اہل سنت کے مشورے سے سیدہ فاطمہ زہرا رضی اللہ عنہا کے نام پر بنام جامعۃ الزہرا ایک ادارہ قائم کیا رفتہ رفتہ یہ ادارہ کامیابی کی منزلیں طے کرتا گیا اللہ کا بے پناہ شکر ہے کہ کل جس زمین سے گیہوں اور چاول پیدا ہوتے تھے آج اسی زمین سے دین و سنیت کی خدمت کرنے والی عالمات و فاضلات پیدا ہو رہی ہیں اور فی الحال جامعہ میں پانچ سو سے زائد بچیاں زیر تعلیم ہیں۔ لائق و فائق اساتذۂ کرام تعلیمی خدمات انجام دے رہے ہیں ۔علامہ مسعود احمد برکاتی صاحب قبلہ استاذ الجامعۃ الاشرفیہ مبارک پور کی پر عزم اور مستحکم قیادت میں یہ تعلیمی اور تعمیری کارواں اپنی منزل کی جانب پورے ولولہ وترنگ کے ساتھ رواں دواں ہے ۔
لہذا مخیرین قوم وملت سے درخواست ہے کہ صدقات و عطیات کے ذریعہ جامعہ کا تعاون فرما کر مستقبل کے منصوبوں کو پایۂ تکمیل تک پہنچانے میں ہمارا ساتھ دیں۔
دعا گو ہوں کہ اللہ رب العزت جامعہ کو مزید ترقی عطا فرمائے ۔اور تمام اساتذہ واراکین جامعہ پر اپنا خاص فضل فرمائے ۔ آمین یارب العالمین